Lilian Mombach

D’Lilian Mombach staamt aus Brasilien an huet 2021 Lëtzebuerg zu hirem Doheem gemaach. Nodeem si a Brasilie Konscht studéiert an als Art Director geschafft huet, huet si hiert Liewen nees op kreativ Atelieren an d’kënschtleresch Produktioun konzentréiert.

Hir Konscht besteet doranner, Pabeier a floral Skulpturen ze verwandelen. D’Konzept vum Upcycling an dat narratiivt Potenzial vum Pabeier leien hir besonnesch um Häerz. Inspiratioun fënnt si an der Natur, den Traditiounen, Legenden, Mythen a fantastesche Faarwen. Si schaaft Verbindungen tëschent dem Bewossten an dem Onbewossten, exploréiert d’Zykle vum Liewen a vun der Natur a setzt an hirem kreative Prozess d’Transformatioun vum Pabeier an Zeen.

D’Lilian schafft haaptsächlech mat einfache Materialer wéi Pabeier, Koll an Zwier. Aus Kaffisfiltere gi fräihänneg geschnidden a mat Zwier strukturéiert Bléieblieder, fir nei Formen ze kreéieren. Mat hirer Technik ka si delikat, formbar a widderstandsfäeg Blumme modeléieren. De Papiermâché gëtt benotzt, fir hire Kreatioune Volume ze ginn, wärend d’Acrylfaarf, déi si opdréit, all Skulptur eng eegen Dimensioun an domat en eenzegaartege kënschtlereschen Ausdrock gëtt.