Andrin Caroline

D'Caroline Andrin, gebuer an opgewuess an der Schwäiz, huet d'Keramik op der École supérieure d’arts appliqués (HEAD) vu Genf entdeckt. Si reest da fir d'éischt duerch Europa an Nordamerika, éier si sech zu Bréissel installéiert, wou si elo zanter 2006 als Professer un der La Cambre Arts Visuels fir de Studiegang Keramik verantwortlech ass. Hir Aarbecht beweegt sech tëschent Konscht an Design. Si ass déif verwuerzelt an engem Prozess, deen Knowhow mat Reflexiounen iwwer d'Matière verbënnt. Aus technescher Siicht interesséiert si sech fir de Fabrikatiounsprozess, a speziell fir d'Géisse vu Schlicker an déi ënnerschiddlechst Formen (Liederhändschen, Mutzen,...). Duerch dëst Verfaren entsti Formen, déi heiansdo ganz komplex sinn an d'Ambiguitéit vum Material ënnersträichen. Hiert rezent Wierk „Skin Game / La part animale“ befaasst sech mat der Fro vun der Metamorphos an dem Anthropomorphismus.