Sébastien Carré

De franséischen zäitgenëssesche Bijouterieskënschtler Sébastien Carré lieft a schafft zu Stroossbuerg. Nom Ofschloss vu sengem Studium an der plastescher Konscht op der HEAR (École supérieure des arts décoratifs de Strasbourg) gouf hie mat ville Präisser an Auszeechnunge geéiert. 2015 ass hien ënnert de Laureate vum Prix de la jeune création métiers d’art vun den Ateliers d’Art de France, vum Präis Gioielli in Fermento (italienesche Präis fir zäitgenëssesch Bijouen) a gouf beim Legacy Award, organiséiert vun der Galerie Alliages, direkt zweemol ausgezeechent (Präis vum Jury a Präis vum Publikum). 2016 kritt hien och de Präis fir Konscht vun der Rheinischen Akademie a gëtt Zweete beim Präis Enjoia’t (Präis fir zäitgenëssesch Bijouterie zu Barcelona). Säit hien 2014 säin Diplom krut, huet de Sébastien Carré seng Wierker an iwwer 110 Ausstellungen a Muséeën, Galerien, Schoulen oder Associatiounen an Europa, Amerika an an Asie gewisen. Den zäitgenëssesche Bijou ass fir de Kënschtler e Moyen, fir sech auszedrécken, mee och fir iwwer sech selwer a säin Ëmfeld ze meditéieren. A senge Bijoue verbënnt hien d'Welt vun de Planzen, Déieren a Mineralie mat organeschen oder landschaftleche Formen. Duerch d'Vermësche vun dësen interaktive Matièrë belieft hien e Kierper, deen an eiser iwwerconnectéierter Gesellschaft dozou tendéiert, méi onsensibel ze ginn.