Emeringer Robert

A sengem Glasatelier schafft de Robert Emeringer mat verschiddenen Techniken : Fusing, Thermoformung, Casting, Pâte de verre, Glasmolerei, Restauratioun vu Glasmolerei, Glasschnëtt, Glasblosen, Gravur, Sandstralen. Den éischte Kontakt mam Glas huet hien 1964 beim Maître verrier Rohleder zu Lëtzebuerg. Hie studéiert verschidden Techniken zu Lëtzebuerg, an Holland, a Frankräich an an Däitschland. Hien interesséiert sech och fir indesch an tibeetesch Konscht a verbréngt ee Joer an Indien. 1986 mécht hie säin Atelier zu Aasselbuer (Lëtzebuerg) op. Wierker vum Robert Emeringer sinn a Muséeë wéi dem Glasmuseum Lette (Däitschland), Musée de verre du Château de Val St. Lambert (Belsch) oder dem Glas- a Kristallmusée zu Nikolsk (Russland) ze gesinn. Eng ganz Rei vu sengen Objete sinn och an ëffentleche Gebaier ze fannen, virun allem a Kierchen.