Milheiro Janaïna

Eng eenzegaarteg an zäitgenëssesch Approche an der Fiederkonscht. An hirem Paräisser Atelier kreéiert a realiséiert d'Janaïna Milheiro Wierker aus Vullefiedere fir d'Luxusindustrie: Moud an Dekoratioun. Ëmgi vun Handwierker an Designer entwéckelt si zanter 2011 hiren eegenen Knowhow a proposéiert eng perséinlech an innovativ Visioun vun de Vullefiederen. Eng experimentell an technesch Approche, déi zum Dreemen a Staunen aluet. D'Kënschtlerin, déi an der handwierklecher an an der industrieller Textiltechnik ausgebilt ass, entwërft fir Haute Couture-Defiléë surreell wierkend Spëtz aus Fiederen, Seid, déi aus Fiedere gewieft ass, Flilleken aus Fiederen, awer och dräidimensionalen Netzer a reegelrecht Skulpturen aus Fiederen... D'Janaïna Milheiro, 1985 zu Rio de Janeiro a Brasilie gebuer, huet déi franséisch Nationalitéit. Si huet en Diplom am Textildesign vun der ENSCI – Les Ateliers (Paräis, 2010), an der Broderie vun der ESAA Duperré (Paräis, 2007), a gouf mam Grand Prix de la création de Paris (2015) ausgezeechent.